प्रथमच दोन भगिनी ऱ्हिदमिक जिम्नॅस्टिक्सच्या आंतरराष्ट्रीय जज
मुंबई ः विविध राष्ट्रीय व आंतरराष्ट्रीय ऱ्हिदमिक जिम्नॅस्टिक्स स्पर्धांत खेळाडू म्हणून आपल्या कामगिरीचा ठसा उमटविणाऱ्या पूजा व मानसी या सुर्वे भगिनींनी आता जिम्नॅस्टिक्सच्या या प्रकारातील जज म्हणूनही छाप पाडली आहे. पूजा श्रीनिवास सुर्वे आता भारतातील ऱ्हिदमिक जिम्नॅस्टिक्समधील सर्वोच्च कॅटेगरी (कॅटेगरी ३ वैयक्तिक आणि सांघिक) मिळविणारी जज ठरली आहे. तर तिची बहीण मानसीने कॅटेगरी ४ (वैयक्तिक आणि सांघिक) प्रकारात जजची परीक्षा उत्तीर्ण होण्याची कामगिरी करून दाखविली आहे. एकाचवेळी दोन भगिनींना आंतरराष्ट्रीय जज होण्याची संधी यानिमित्ताने मिळाली आहे.